LAOAG CITY – Nakastrek ti Gilas Pilipinas iti 3×3 Men iti 2026 FIBA 3×3 U23 World Cup a maisayangkat inton Setiembre 15 agingga 19 idiay Hubei, China.
Nakastrek ti Gilas iti nangatngato a lebel ti torneo kalpasan ti pannakangabakda iti 2026 FIBA 3×3 Nations League Asia 2 idiay Petaling Jaya, Malaysia.
Nagkampeon ti Gilas iti nasao a torneo kalpasan a pinagawidda dagiti teams manipud iti Japan, New Zealand, Singapore ken Malaysia.
Maipalagip a daytoyen ti maika-lima a daras a nakastrek ti Gilas iti championship iti nasao a kompetision no sadinno ket namin-tallo kadagitoy ket nagkampeonda.
Gapu iti daytoy, daytoyen ti umuna a gundaway a mabuya ti Gilas Pilipinas iti World Cup iti uneg ti naglabas a walo a tawen.
