LAOAG CITY – Insigida nga agsagana ti Gilas Pilipinas tapno maisentro ti atension daytoy iti maysa pay a naiget a laban a sangoenna kontra iti Australia iti second window ti FIBA World Cup Asian Qualifiers inton bigat iti Mall of Asia Arena idiay Pasay City.
Nakaaramid ti Gilas Pilipinas ti risiris nga score a 66-69 a pannakapaay kontra iti New Zealand isut gapuna a narugitan ti nadalus daytoy a rekord.
Bagsak iti No. 2 spot ti Gilas Pilipinas nga addaan ti 2-1 rekord idinto a nagballigi ti Australia nga addaan ti 3-0 rekord.
Inabak ti Australia ti Guam iti nagsina a laban tapno otomatiko a magun-od ti panangabak iti second round ti qualifiers.
Iti baet ti sigurado a panangabak iti second round, manamnama a sumubbot ti Australia iti kanito a makasangona ti Gilas Pilipinas tapno maala ti maikapat nga agsaruno a balligi iti group stage.
