LAOAG CITY – Naruay a Cuban Nationals ti maipagarop a rinecruit ti Russia tapno tumulong kadagiti tropa da a makilaban kontra iti Ukraine.
Basar iti nag-leak a datos manipod iti Setyembre agingga iti Oktubre 2023, adda ti nasurok a 200 a pasaporte a kukua ti cuban nationals a mapapati a nakikappeng iti Russian Army.
Ti nasao a datos ken impormasyon ket nagleak iti online babaen ti Pro-Ukrainian platform a naawagan ti InformNapalm.
Iti imbestigasyon ket napaneknekan a dagiti maseknan a Cuban Nationals ket adda da iti agdama idiay Russia.
Sumagmamano pay kadagiti madakdakamat a Cuban nationals ket nagpost ti ladawan da iti online a nakasuot ti uniporme ti Russian Army.
