LAOAG CITY – Ginasut a tattao ti mapagam-amkan ti natay iti isla ti Mayotte iti France kalpasan ti idadalapos ti napigsa nga angin nga intunda ti bagyo Chido.
Nagballaag met dagiti otoridad a possible nga umabot iti rinibo a tattao dagiti natay gapu iti nasao a bagyo.
Naamoan a ti central hospital ket nagpasar ti nakaro a perdisyon.
Daytoyen ti maibilang a kapigsaan a bagyo a dimmuprak iti isla iti uneg ti 90 a tawen gapu ta immabot agingga iti walo a metro ti kangato ti dalluyon iti baybay.
Ti Mayotte ket maysa kadagiti kakukurapayan a paset ti France nga addaan ti 300 a ribo a populasyon.
