LAOAG CITY – Kalikagom ti gobierno lokal ditoy ciudad ti Laoag nga adaptaren ti Republic Act 11930 wenno ti Anti-online Sexual Abuse and Exploitation of Children.
Daytoy ti inrakurak ni Miss Mary Joan Pasugui, focal person ti Local Committee against Trafficking-violence against Women and their Children ditoy ciudad.
Kuna na nga agtultuloy ti panagngato ti bilang dagiti agus-usar ti teknolohiya, no sadinno a kagiddan iti daytoy ket umad-ado met dagiti maab-abuso babaen iti online.
Innayon na a ti resolusyon a pinutar ti Sang Panlungsod a mangadaptar iti Republic Act 11930 wenno ti Anti-online Sexual Abuse and Exploitation of Children ket kalikagum da met nga iyam-ammo kadagiti barangay officials nga isuda ti kabinnulig da iti pannaka-implementar daytoy.
