LAOAG CITY – Ikarkarigatan ti Gobierno probinsial a maurnos ti problema dagiti quarry permittee nangruna ti panagbayad ti buwis.
Segun kenni Gov. Cecilia Araneta-Marcos, nagkamali ti Mines and Geosciences Bureau ti inted iti Bureau of Internal Revenue a pagibasaran da iti bayadan da ni ikompara iti baybayadan dagiti permittee.
Kunana a nagsarita da ken ni Revenue Director Esperanza ken inbalakad na a mangibaga da ti amount tapno makita daytoy a nasayaat.
Innayon na nga iti agdama ket manarimaan ti pannakikoordinar ni Quarry Coordinator retired col. Mel Agpaoa ken ni Engr. Rimando iti Bureau of Internal Revenue tapnu mailawlawag a saan a 220 ti per cubic meter no diket adayo a nababbaba.
Maipalagip a naangay ti taripnong dagiti permittee iti kapitolyo probinsial kadwa da ti gobernador ken ti quarry coordinator tapnu ipakaammo dagiti naamendaran a paset ti ordinansa ken maysa kadagiti naidasar ket ti mabaybayadan a buwis.
