LAOAG CITY – Nakadepende iti usaren a pondo ti pannakaileppas ti maar-aramid a rangtay iti Barangay Barong iti ili ti Dingras.
Daytoy ti nagbalin a sungbat ti Department of Public Works and Highways – Regional Office kalpasan a naidasar iti Sang panlalawigan ti sitwasyon ti naawagan a Covid Bridge gapu ta narugyan paylaeng daytoy idi panawen ti pandemya ngem agpapan ita ket saan pay a nalpas.
Segun ken ni Engr. Elwin Eguilos iti Department of Public Works and Highways, agtultuloy ti konstruksyon iti rangtay ngem ti laeng problema ket ti pondo.
Inpasigurado na a no agtultuloy ti maipaay a pondo ket malpas ti nasao a proyekto iti kabiitan a panawen.
Kabayatanna, in-refer ti junta probinsyal iti Committee on Public Works tapno agkiddaw ti assurance manipod iti Department of Public Works and Highways.
Kalikagom ti gobierno probinsyal a maileppas koman ti nasao a rangtay gapu ta nabayag unayen daytoy.
