LAOAG CITY – Kalikagom a maipalawa agingga idiay Metro Manila ti Producers-Consumers Program ti gobierno probinsyal.
Daytoy ti inbatad ni Mr. Edison Natividad, ti mangidadaulo iti Small and Medium Enterprises (SME) ditoy Ilocos Norte.
Inlawlawag ni Natividad a saanto laengen nga iti Quezon City ti pakailakoan dagiti produkto dagiti mannalon ditoy probinsya no di ket iti intero a Manila.
Mainaig ti daytoy, mamati ni Governor Matthew Marcos-Manotoc a no adda pay dagiti mapan aglako kadagiti malabsan nga agturong iti Quezon City ket ad-ado pay ti mapastrek dagiti maseknan.
