LAOAG CITY – Agtinnulong ti gobierno probinsyal ken iti 1st District Congressional office tapnu umado pay ti international tourist ditoy probinsya.
Karaman kadagiti ar-aramiden da nga addang ket ti pannakapapintas dagiti tourist destination ditoy probinsia, kas iti Hotel and resort iti Brgy. Calayab ditoy ciudad ti Laoag no sadinno a kalikagomda a biagen ti Casino a dati nga ar-araken dagiti turista manipod China ken nagduduma pay a pagilyan.
Malaksid iti daytoy ket adda ti inpaay a pondo ti Tourism Infrastructure Enterprise Zone Authority tapnu mapapintas ti golf course iti ili ti Paoay.
Kabayatanna, dandani malpasen ti terminal building ti Laoag International Airport ditoy ciudad ti Laoag.
Mangnamnama ti gobierno probinsial ken congressional office a maiyimplementar amin dagitoy babaen ti tulong ti gobierno national.
Maipalagip a kadagiti naglabas a tawen ket naruay dagiti Taiwanese ken Chinese a nagturong ditoy probinsya a ti maysa kadagiti tinurong da ket iti nasao nga hotel gapu kadagiti naruay nga aktibidad iti nasao a lugar.
