Agsagsagana ti gobierno para iti posible a iseserrek iti pagilian ti artificial intelligence wenno AI generated child sexual abuse and exploitation material.
Iti nasao a press briefing ti Malacañang, naisayangkat ti Philippine National Police (PNP) women and children protection center a ni Chief Police Brig. General Portia Manalad a makitinnulong ti Pilipinas kadagiti dadduma a pagilian, kas iti South Korea iti pag-develop ti tool wenno mekanismo tapno nalaka a mailasin ti AI child sexual content.
Kinunana a nangrugi metten ti panagsanay iti pannakidangadang iti daytoy, ken makitinnulong met dagiti nadumaduma nga ahensia ti United Nations.
Madama met ti panagregget a mangpasayaat iti anti-online child sexual abuse system tapno addaan iti abilidad a mangduktal kadagiti ladawan ti AI dagiti ubbing.
Nupay inamin ni Manalad a dakkel a karit ti AI child sexual content gapu ta kaaduan kadagitoy ket adda iti dark web, impasiguradona a kanayon a “maysa nga addang nga umun-unada” no maipapan iti teknolohia.
