LAOAG CITY – Rinugyanen ti gobierno ti Venezuela ti mangwaya-waya kadagiti balud a maikonsiderar kas political prisoners babaen ti human rights groups, nga ibilang dagiti opisyal kas napintas nga addang.
Ti pannakawaya-waya dagiti political prisoners iti Venezuela ket nabayagen nga imanmandar ti Estados Unidos, aglalo kadagiti gundaway a nakaro ti mapaspasamak a bullying mainaig iti eleksyon wenno tignay-protesta.
Inbatad ni Jorge Rodríguez, ti mangidadaulo iti National Assembly iti Venezuela ken kabsat ni interim president Delcy Rodríguez a ti bilang dagiti mawayawayaan a balud ket iparuk-at da iti mabiit.
Maipalagip a ginasut a political prisoners ti adda idiay Venezuela.
Mainaig iti daytoy, inrakurak ti foreign ministry ti Espanya nga addan ti lima a kadaraan da ti nawaya-wayaan idaiy Venezuela.
Karaman ditoy ti mabigbig a Venezuelan-Spanish rights activist a ni Rocío San Miguel.
Naipatungpal ti nasao nga addang kalpasan ti panangarestar ti Estados Unidos ken ni Venezuelan President Nicolas Maduro tapno sangwen ti kaso na mainaig iti drug trafficking idiay New York.
