LAOAG CITY – Adalen ti lokal a gobyerno ditoy siudad ti Laoag no adda ti pondo para iti insentibo dagiti opisyal ti barangay nga agbantay kabayatan ti implementasyon ti Modified Enhanced Community Quarantine.
Gapu iti daytoy, minandar ni Vice Mayor Vicentito Lazo a kitaen ni Sangguniang Panlungsod Member Derick Lao no adda ti pondo ti siudad para iti pannakaipay ti insentibo dagiti opisyal ti barangay.
Namunganay daytoy kalpasan nga insingasing ni Lao ti pannakaipaay ti insentibo kadagiti maseknan gapu ta nangipaay ti gobyerno probinsyal ti insentibo iti nagduduma a barangay officials ditoy probinsya.
