LAOAG CITY – Naaprisiyar ti gobyerno probinsyal ti panangbigbig mismo ni IN-C100 ti kinasiasinno na a daytoy ket ni Police Staff Sergeant Gerardo Baliclic.
Ibilang ti gobyerno provincial a dakkel a tulong ti inaramid ni Baliclic a panagbigbig ti kinasiasinno na tapno al-alisto ti contact tracing a maiyus-uswat babaen dagiti kameng ti Task Force Salun-at.
Basar ti impormasyon manipud iti gobyerno probinsyal, idi Setyembre 4, nagturong ni IN-C100 ken sumagmamano a miembro ti pamilya na iti dakkel a mall iti ili ti San Nicolas partikular iti supermarket.
Possible a nakapulapol na dagiti sumagmamano nga empleyado ken mall goers ken nagawid da iti agarup alas-dose ti pangaldaw iti ili ti Piddig.
Idi Setyembre 5, nagtalinaed iti pagtaengan da kadua na dagiti kameng ti pamilya na.
Idi Setyembre 6, nagduty iti 1st PMFC Building, Camp Capt. Valentin S. Juan ken nagquarantine kadua na dagiti miembro iti grupo wenno company.
Idi Setyembre 16, dimmalan iti RT-PCR GeneXpert Test iti DPWH Building ditoy siudad.
Id Setyembre 17, naimpormaran ni IN-C100 a nagpositibo iti COVID-19 ken nag self isolate iti quarantine facility.
