LAOAG CITY – Inawagan ni Gov. Imee Marcos nga “EDSAkit” ken “EDSAyang” ti EDSA revolution ti pannakaipadisi iti turay ti ama na ken dati a Presidente Ferdinand Marcos.
Daytoy ket gapu ta inadmitir ni Marcos a nasakit para kenkuana gapu ti pannakapadisi ti ama na kas presidente ti pagilian.
Kuna na pay nga “EDSAyang” gapu ta adu a tattao ti nangnamnama nga agbalbaliw ti pagilian ken ad-adu kuma pay ti naitulong ti ama na para ti Pilipinas.
Inbatad ni Marcos a makaammon dagiti tattao a mangikumpara ti naaramidan ti ama na ken dagiti simmaruno kenkuana a nagpresidente.
Naamuan nga adu ti mangibagbaga a napinpintas ti Pilipinas babaen panagturay ti dati a presidente Marcos.
