LAOAG CITY – Pormalen a nagipila ti Certificate of Candidacy (COC) na ni Gov. Matthew Marcos Manotoc nga agpaidasig met laeng iti kina-gobernador.
Kadua na a nagpila ni Vice Gov. Cecilia Araneta Marcos a para met laeng iti bise gobernador.
Kadua da a nagturong iti opisina ti Comelec ni 2nd District Representative Angelo Marcos Barba ngem saan met pay a nagipila ti kandidatura.
Rumrumuar met nga intono bigat ket sumangpet ni Sandro Marcos ditoy probinsya kadua na ti pamilya na para iti panagipila na ti COC iti kina-kongresista iti ummuna a distrito.
Manamnama met a makalaban ni Sandro ni 1st District Rep. Ria Fariñas ngem agpapan maisursurat ti damag ket saan pay a nagpila ti COC na.
