LAOAG CITY – Inbilin ni Governor Matthew Marcos-Manotoc kadagiti local chief executives iti intero a probinsyal para iti desilting iti water waste kadagiti masakupan da a lugar.
Daytoy ti inbatad ni Mr. Marcel Tabije, ti mangidadaulo iti Provincial Disaster Risk Reduction and Management Office.
Inlawlawag ni Tabije a babaen iti nasao nga addang ket agayus a naimbag ti danom kangrunaan na ita a panawenen ti tudtudo.
Innayon na a babaen iti daytoy ket maliklikan ti possible a pannakaabbeng ti danom a mangitunda iti layos ditoy probinsya.
Kabayatanna, inpakaammo ni Tabije a nakasagana metten dagiti ramit a mausar iti panawen ti kalamidad a pakairamanan ti bagyo, kas ti rescue boats ken dadduma pay.
