LAOAG CITY – “Certainly not for our kampanya”, daytoy ti nagbalin a palawag ni Provincial Governor Matthew Marcos Manotoc.
Daytoy ket kalpasan nga adda dagiti damag nga agwarwaras a mangted ti pamilia Marcos iti maysa a bilyon a pisos, a mausar kas panagkampanya ni Laoag City Mayor Michael Marcos Keon.
Segun kenkuana, saan daytoy a makasao para iti biang ti pamilya Marcos, ngem inadmitir na a kuripot isuna ken ti pamilya na.
Kinunana a saan pay isuna a nakita ti maysa a bilyon ti pisos.
Mainaig iti daytoy, inbilang na a suerto isuna idi 2019 election, gapu ta nagbalin a naurnos ti probinsia babaen iti ina na a ni Senator Imee Marcos.
Nupay kasta, inpaganetget ni Marcos a rumbeng nga asikasuen dagiti mayor ti bukod da a pagrebbengan ken da a namnamaen da bagkaten ida ti pamilia Marcos.
