LAOAG CITY – Dimmawat ti panagpadispensar ni Gov. Matthew Marcos Manotoc iti publiko gapu iti saanna a panangkanselar ti klase ita nga aldaw.
Segun kenkuana, inpagarupna nga agbalinen a nasayaat ti sasaaden ti panawen ita nga aldaw ngem saan met a natungpal.
Inbatadna a sangapulo a porsiento ditoy probinsia ti naapektaran nga umili gapu iti iduduprak ti Bagyo Julian.
Inlawlawagna a no mabalbalin ket saanna a kayat a masuspenso ti klase dagiti estudiante gapu ta sayang ti productivity ken learning dagitoy.
Kunana a nangipatungpal daytoy ti localized approach kadagiti Local Chief Executives ken School Heads nga isuda ti mangkanselar ti klase gapu ta ad-adda a makitada ti situasion iti sakupenda a lugar.
Kabayatanna, inkari ni Gov. Manotoc kadagiti umili nga ad-adda nga agbalin daytoy a cautious iti panangkanselar ti klase babaen kadagiti precautionary measures.
