LAOAG CITY – Pinagalerto ni Gov. Matthew Marcos Manotoc dagiti nagduduma nga ahensya ti gobyerno ditoy probinsya gapu iti Bagyo Ambo.
Naisayangkat ti taripnong dagiti maseknan kas panagsagana no bilang kumaro ti sitwasyon.
Nakasagana met aminen a personnel ken equipment nga agresponde kas ti PDRRMO, MDRRMO, CDRRMO, Philippine Coast Guard, Philippine Army, Maritime, National Police, Bureau of Fire Protection,
Karaman pay kadagiti nagatendar iti nasao a taripnong ket dagiti kameng ti DSWD, DILG, DPWH, INWD, DICT, NIA ken dadduma pay.
Pinagsagana pay ni Gov. Manotoc dagiti animal shelter a temporaryo a pakaipanan dagiti taraken nga ayup ken dagiti evacuation centers.
