LAOAG CITY – Dinayaw ni Governor Cecilia Araneta Marcos dagiti empleado ti gobierno probinsial kalpasan nga inaramid da ti duck, cover ken hold, ken ti saan da a panagpanic bayat ti idadayeg ti magnitude 5.2 a gingined a nagsentro iti ili ti Pagudpud iti oras ti alas- 4:15 ken alas-4:30 itay a malem.
Kunana a kalkalpas ti Earthquake drill ket insigida met a nakarikna ti probinsya ti panagdayyeg isut gapuna a dakkel a tulong nga adda dagiti maisayangkat nga earthquake drill.
Mainaig iti daytoy, kiniddaw na kadagiti empleyado nga itultuloy ti agkararag nangruna ket saan a mapakpakadaan ti nasao a didigra.
Kabayatanna, inpalubos ti gobernador ti nasapsapa a panagawid dagiti dadduma nga empleado ti gobierno probinsyal idinto nga adda met dagiti nagsubli iti opisina da kalpasan nga inpasigurado ti Provincial Disaster Risk Reduction and Management Office a natalgeden ti kapitolyo probinsyal kalpasan ti napasamak a gingined.
