LAOAG CITY – Kalikagum ni Gov Imee Marcos nga masolbaren iti kabiitan a panawen ti panagpukaw ti umabot ti P90 milyon a pisos a pondo ti ciudad ti Laoag.
Daytoy ti inbatad ti gobernador kalpasan a nagsarita iti ABC Night kas paset ti Pamulinawen Festival ti nasao a siudad.
Segun kenni Marcos, saan laeng iti nagan ti Laoag ti naapektaran no diket iti sibubukel nga Ilocos Norte nagruna ket nagwarasen iti intero a pagilian ken iti intero a lubong gapu ti nasao nga isyu.
Kuna ni Marcos a nasay-sayaat no masolbaren ti nasao ng isyu tapno maikkan ti hustisya dagiti naakusaran awan ti pannakainaig na ti anomalya ken madusa met dagiti responsabble iti nagpukaw a pondo.
Maipalagip nga idi bimtak ti kontrobersiya ket dagus a nagtalaw ti City Treasurer a ni Elena Asuncion no sadino a kinumpirmaran ti Bureau of Immigration a nagtungo iti estado ti Hawaii agingga a naipadamag nga immakar daytoy idiay Colorado,USA.
