LAOAG CITY – Maawaten dagiti amin a government workers ti year-end bonus ken cash gift inton bulan ti Nobiembre.
Daytoy ket kalpasan a nangiruar ti circular ti Department of Budget and Management a mangipalubos ti nasapa a pannakaipaay ti nasao a bonus ken cash gift kageddan ti umuna a payroll inton bulan ti Nobiembre ita a tawen.
Inbatad ni Budget Secretary Amenah Pangandaman, nangiparuk-at daytoy ti Budget Circular 2024-3 nga isu ti naamendar iti dati a pagalagadan iti panangipaay ti year-end bonus ken cash gift kadagiti empleado ti gobierno.
Ti year-end bonus ket katukad ti maysa a bulan a basic salary ti maysa nga empleado idinto ti cash gift ket aggatad ti lima a ribu a pisos.
Inpasigurado ti sekretario a maawat daytoy dagiti amin nga empleado tapno agbalin a naragsak ti paskua dagitoy.
