LAOAG CITY – Inlawlawag ni Governor Cecilia Marcos a maysa kadagiti kangrunaan nga ar-aramiden na iti agdama ket ti pannakalukat ti Laoag International Airport kadagiti “international flights”.
Daytoy ket kalpasan nga inlawlawag ti Phil. Airlines wenno PAL a nalaklaka ti “airfare” dagiti rummuar iti pagilian no maidasig kadagiti “domestic flights” gapu ta ado dagiti rumbeng a mabayadan iti “local” idinto a dagiti agturong iti sabali a pagilian ket awan dagiti nasao a mabayadan.
Segun ken ni Gob. Marcos, nupay saan pay a nalpas ti pannakaipalawa ti nasao nga erupuerto ket mabalin dagiti international flights ti agdisso kas iti Laoag-Kaoshiung wenno iti dadduma pay a lugar ditoy Asia.
Inbatad na nga inlungalongna pay ti pannakaipatungpal ti Hawaii-Kaoshiung flights ken kalpasan iti daytoy ket sumaruno iti Kaoshiung agingga ditoy ciudad ti Laoag.
Mamati ni Gobernador Marcos nga ado dagiti manggundaway kadagitoy a flights nangruna ket ado dagiti Ilocano idiay Hawaii nga agkalikagum nga agderetson ditoy ciudad ti Laoag imbes a dumalan pay paylaeng idiay Manila.
