LAOAG CITY – Inbatad ni Governor Cecilia Araneta-Marcos nga awan ti kinapudno na ti isyu a maipagarop a saan nga usto ti naipaay a medical bed iti Governor Roque Ablan Senior Memorial Hospital ditoy ciudad ti Laoag.
Segun iti gobernador, awan ti reklamo dagiti mangimatmaton iti nadakamat nga ospital iti pannakaideliber dagiti hospital bed, kayatna a sawen ket awan ti problema kadagitoy.
Inlawlawag na a dagiti end-user ti mangipaay ti specification iti Bids and Awards Committee no adda dagiti nasken a gatangen.
Namonganay daytoy kalpasan nga adda ti rimuar nga isyu a saan nga usto ti specification dagiti hospital bed a ginatang ti gobierno probinsyal babaen ti Bids and Awards Committeeno ikompara iti kiddaw ti Governor Roque Ablan Senior Memorial Hospital.
