LAOAG CITY – Nadiskubre ti maysa nga M67 Fragmentation Hand Grenade wenno Granada, maysa a caliber 30 ken dua a bala iti bisinidad ti 1900 St. iti Brgy 25 ditoy ciudad ti Laoag partikular iti pagtaengan ti pamilya Lucas.
Daytoy ti kinumpirmaran ni Police Lt. Col. Mar Louise Bondoc, ti chief of police ditoy ciudad ti Laoag.
Inbatad ni Bondoc a basar iti imbestigasyon da, nakita ti agnagan ti Bong-Bong Posadas Austria, agtawen 46, naasawaan, helper ti pamilya Lucas ken residente iti Brgy. 23 ditoy ciudad ti maysa a leather bag nga addaan ti label a Traders Royal Bank a nakasabit iti suli ti alad.
Inbaga na nga iti pananglukat ni Austria iti leather bag ket ditoy a nakita na ti dua nga hand granade ken maysa a magazine ti carbine.
Inreport a dagus ni Austria ken ni Brgy. Chairman Victor Flores ti nakita na no sadinno a daytoyen ti nangipakaammo iti PNP.
Iti panagresponde dagiti kameng ti pulisya ken INPECU personnel ket kinumpirmaran da a ti karga ti leather bag ket dua a corroded M67 Fragmentation Hand Grenade ken maysa a corroded magazine ti caliber 30 nga addaan ti dua a pedaso ti corroded ammunition ti caliber 30.
Mainaig iti daytoy, ti dua nga m67 fragmentation hand grenade ket naipakustodyar iti INPECU idinto a ti dua a bala para iti caliber .30 ket naiturnover iti INCLO para iti pannakaipadalan da ti ballistic examination.
Agtultuloy ti imbestigasyon dagiti otoridad tapno maamoan no siasinno ti akinbagi iti nasao a granada.
