LAOAG CITY – Addan iti kustodyar ti EOD/SWAT team ti narekubre a granada iti paset ti Brgy. Torre iti ili ti Currimao para iti disposisyon da.
Daytoy ket kalpasan a nakita ti agnagan ti Mark Anthony Rambaud, agtawen ti 41, naasawaan, Company Manager ti CIBC ken residente iti Brgy Pias Norte iti nasao nga ili.
Insigida nga intawag ni Rambaud ti nakita na a granada iti PNP Currimao ken insigida met a nagresponde da.
Intawag met nga insigida ti PNP Currimao iti PNP Prov’l Office a tapno maipatulod dagiti taga EOD/SWAT.
Ti nasao agranada ket maysa a klase ti MK2 hand grenade ken mabalin pay a bumtak.
