LAOAG CITY – Inpakaammo ni Dr. Arlene Ragasa, ti Officer in Charge iti Governor Roque Ablan Senior Memorial Hospital ditoy ciudad ti Laoag nga awanen ti Covid ward iti nasao nga ospital.
Nupay kasta, kuna na a naka standby latta ti holding facility a nu adda dagiti ağpositibo ti antigen test na a mai-Confine ket isu ti pakaikabilan na.
Inrakurak na nga adda pay ti Mariano Marcos Memorial Hospital and Medical Center iti ciudad ti Batac a mangtulong kadakwada no adda wenno umado paylaeng dagiti agpositibo ti antigen test na a pasyente da.
Kabayatanna, patien ni Dr. Ragaza a gapu ta nagun-oden ti target a porsyento dagiti mabakunaan kontra iti Covid ket manmano laengen dagiti agpospositibo iti nasao a sakit.
