Kalpasan ti pannakairuar ti writ of nature mainaig iti pannakairuar dagiti genetically modified rice ken tarong a produkto ditoy Pilipinas, indagadag ti Greenpeace Southeast Asia (Greenpeace) iti Department of Agriculture nga ipangpangrunada ti panangpapigsa kadagiti sustainable agricultural solutions.
Sumaruno daytoy iti bilin ti Court of Appeals (CA) ti University of the Philippines Los Baños (UPLB) nga agsardeng dagiti aktibidad a mainaig iti Bacillus thuringiensis wenno Bt Eggplant ken agsardeng iti Philippine Rice Research Institute (PRRI) kadagiti aktibidadna a mainaig iti genetically modified (GM) , Vitamin A-enriched Golden Rice.
Naikkat met ti biosafety permit para iti commercial propagation ti Golden Rice no sadinno nagkedked ti Department of Agriculture a nagkomento maipapan iti daytoy.
Kabayatanna, kinuna ni Greenpeace campaigner Wilhelmina Pelegrina a “monumental win” ti desision ti Court of Appeals para kadagiti Pilipino ken mannalon.
