LAOAG CITY – Balligi a naisayangkat ti ground breaking ti maipasdek a rice processing iti ili ti Sarrat.
Segun ken ni Mayor Remigio Medrano iti nasao nga ili, ti nasao a pundo ket pinundoan ti Department of Agriculture – Regional Office para iti naan-anay a pannakaipatungpal daytoy.
Inbatadna a ti benepisiario ket ti Sarrat Namnama Organization nga inyendorso ti Local Government Unit ken ti Provincial Government of Ilocos Norte no sadino ti nasao a pundo ket dumanon iti 50 a milyon a pisos.
Inlawlawagna a dagiti kangrunaan a mabenepisiaran iti daytoy a proyekto ket dagiti mannalon iti ili ti Sarrat nangruna kadagiti agpabayo ti irik.
Innayonna a mangnamnama daytoy a mailippas ti nasao a proyekto sakbay nga agngudo ita a tawen.
