LAOAG CITY – Nagkiddaw ti grupo dagiti mangmangged nga ipasa ti gakat a P150 across-the-board a panagngato iti sueldo.
Basar iti National Wage Coalition, nasken a maipasa ti P150 a panagngato iti sueldo gapu ta umdas ti P35 a nayun a sueldo nga inpaay kadagiti minimum wage earner iti National Capital Region.
Inbatadna a pammaneknek laeng nga awan ti serbina dagiti Regional Wage Board nga isu ti mangituding ti sueldo basar iti konsultasion kadagiti employer ken mangmangged ken iti socioeconomic a kasasaad kadagiti rehion.
Inpetteng ni Presidente Ferdinand Marcos Jr. a sertipikaran nga urgent dagiti mailunglungalong a gakat ti across-the-board wage increase iti intero a pagilian.
Ti panawagan ket naiyuswat kagiddan ti National Week of Action nga agpaut agingga inton Biernes.
Karaman pay iti National Wage Coalition ti Trade Union Congress of the Philippines, Bukluran ng Manggagawang Pilipino ken ti Nagkaisa LaborCoalition.
Kinumpirmaranda a mangiwayatda ti tignay-protesta iti mismo aldaw ti State of the Nation Address wenno SONA inton Lunes, Hulio 22.
