LAOAG CITY – Nagpilan ti Certificate of Candidacy (COC) da Mayor Romel Labasan, Vice Mayor Meynard Bumanglag, ken dagiti kameng ti konseho iti ili ti Pinili malaksid kadagiti dua a nagredwar.
Daytoy ti inpakaammo ni Mrs. Joanne Perez, ti Comelec Officer iti ili ti Pinili.
Inbaga ni Perez a dua laeng ti ipalubos da a sumrek iti opisina da no sadinno a ti laeng mismo nga agpila ti COC na ken ti mapili na a mangbayabay kenkuana.
Innayon ni Perez nga iti laengen ruwar ti opisina da nga agpipicture dagiti maseknan gapu ta nalawlawa ti espasyo na.
Kabayatanna, kuna ni Perez nga agingga idi Hulyo 19 ita a tawen ket umaboten iti 12,034 ti registered voters iti ili ti Pinili.
Naamoan a ti grupo ti mayor ket agpapada da a kameng ti Nacionalista Party (NP).
