LAOAG CITY – Agtultuloy a maag-agasan iti ospital ni Bise Mayor Jessie Ermitanio iti ili ti Marcos kalpasan a natambang ti grupo na iti boundary ti Brgy. Ragas ken Brgy. Daquioag iti nasao nga ili.
Karaman a nakalugan ni Ermitanio iti maysa a Fortuner idi tinambang dagiti saan a nabigbig a suspek dagiti dua a driver security ken maysa nga empletado ti munisipyo.
Segun kenni Ermitanio, dua ti nakita na a suspek a pimmaltog kadakuada rason a nagibales babaen ti armalite ngem saan na nga ammo no adda ti natamaan kadagiti suspek.
Naipadalan iti x-ray ti saka ni Ermitanio gapu ta isu ti natamaan kenkuana malaksid iti danggis ti abaga na.
