LAOAG CITY – Nagpanawagan ti Committee to Protect Journalists ti independent investigation iti naiwayat a panangraot ti Israel iti southern Lebanon a nakatayan dagiti dua a reporters ken nakasugatan dagiti dadduma pay.
Inbatad ni Committee to Protect Journalists Programme Director Carlos Martinez de la Serna a nasken nga agsungbat ti Israel iti naiwayat nga airstrike iti compound ti Hasbaiyya.
Iti nasao a compound ket ditoy a matmaturog dagiti 18 a journalist manipud kadagiti nagduduma nga outlet.
Inpettengna a ti panang-target kadagiti journalists ket maysa a klase ti war crime iti babaen ti international law.
Maipalagip a manipud nangrugi ti gubat iti nagbaetan ti Hamas ken Israel ket addan ti sumurok 100 a journalist ti pimmusay.
