LAOAG CITY – Kwinestyunaran ni Senadora Risa Hontiveros ti Government Service Insurance System (GSIS) kalpasan a nag-invest ti nasurok a ₱1 bilyon iti maysa a mabigbig nga online gambling platform a DigiPlus.
Iti privilege speech iti plenaryo ti Senado, inpetteng ti senadora nga insugal ti ahensya ti masakbayan ti nasurok a 2.7 milyon a miyembro na, iti baet ti naiget a panangkontra ti gobierno iti pagtutol e-sabong ken dadduma pay a klase ti sugal iti online.
Inpetteng ni Hontiveros a no maipawil kadagiti empleyado ti gobyerno ti agsugal iti casino, ti dakkel a saludsud ket no apay nga insagad ti GSIS ti nagtaya usar tip era nga itentennag dagiti miembro iti kada bolan.
Kuna na nga arigna rumrumuar nga adda ti maulit-ulit a pattern ti panagbaybay-a ken kwestyunable a desisyon iti panagpuunan ti agdama a liderato ti GSIS.
Innayon na a saan laeng nga iti DigiPlus ti maipagarop a nagpatinggaan ti kontrobersyal a panagpuunan ti GSIS.
Inbutaktak ni Hontiveros a karaman pay dagiti “high-risk” investments na ti ₱1.45 bilyon a subscription deal iti Alternergy Holdings Corporation, a maipagaroa sinerrek na nga awan ti approval ti GSIS Board ken awan ti endorsement manipod iti risk oversight committees.
