LAOAG CITY – Inpaiman ti Hamas iti Israel ti tallo pay a lungon a nakaikabilan ti bangkay dagiti pimmusay nga hostage da iti Gaza.
Segun iti Israeli military inawat ti Israel dagiti lungon babaen ti Red Cross iti Gaza Strip, ken naibiyahe dagitoy iti nadakamat a pagilian para iti pormal a pannakbigbig dagitoy.
No makumpirmaran a dagitoy ket pimmusay nga hostages ti Hamas ket walo laengen a bangkay dagiti Israeli ken gangannaet nga hostages ti nagtalinaed idiay Gaza.
Maipalagip nga iti babaen ti umuna a phase ti US-brokered ceasefire deal iti Israel a nangrugi iti napalabas a bolan ket immanugot ti Hamas a mangisubli ti 20 a sibibiag ken 28 a pimmusay nga hostages.
Immunan nga inakusaran ti Israel a nabayag unay ti panangoisubli ti Hamas kadagiti pimmusay nga hostage da.
