LAOAG CITY – Sabali manen a lungon a naglaon iti bangkay ti hostage ti inpaima ti hamas iti Red Cross.
Ti bangkay ket naipaima metten iti Israeli forces, ken ipan da iti National Centre of Foreign Medicine idiay Tel Aviv para iti pannakabigbig na.
No makumpirmaran a ti naipaima a bangkay ket maysa kadagiti hostage, adda laengen ti innem iti Gaza pakairamanan dagiti Israelis ken foreign nationals.
Iti babaen ti first phase iti US-brokered ceasefire deal iti Israel a nangrugi iti napalabas a bulan, immanamong ti Hamas nga isubli ti amin a 20 living ken 28 dead Israeli ken foreign hostages iti uneg ti 72 nga oras.
Inakusaran pay ti Israel ti Hamas nga ibaybayag da ti pannakarekobre ti bagi dagiti natay ngem kuna ti Haas a marigatan da nga agbirok kadagitoy gapo kadagiti narpuog a pasdek.
