Mangibaon ti Hamas iti delegasion idiay Egypt para iti kanayonan a saritaan maipapan ti ceasefire iti Israel.
Daytoy ti sabali pay a pangilasinan ti panagrang-ay iti panagregget dagiti international mediators a mangselio iti katulagan iti nagbaetan ti Israel ken Hamas a mangpatingga iti gubat idiay Gaza.
Inbatad ti Hamas Supreme leader a ni Ismail Haniyeh a nakisarita iti intelligence chief ti Egypt ken intudona ti positibo a panangmatmat iti tignay a mangadal iti singasing a ceasefire.
Iti maysa a statement, kinunana a dagiti negosiador ti Hamas ket agturongda idiay Cairo, Egypt tapno maileppasda ti agtultuloy a saritaan a panggepda ti agtrabaho nga agturong iti maysa a katulagan.
Segun kenni Haniyeh a nakisarita ti prime minister ti Qatar a maysa met kadagiti kangrunaan a mangibabaet iti proseso ti panangisingasing iti baro a ceasefire.
Mangnamnama dagiti mangibabaet a ti maysa a katulagan ket agpatingga iti daytoy a panagdadangadang a nakatayan ti nasurok a 34,000 a Palestinia a nakaigapuan ti krisis ti tao a gapuanan ti nasaknap a pannakadadael dagiti teritorio.
Kabayartanna, mangnamnamada pay a saan nga agtultuloy ti panangraut ti Israel idiay Rafah a nasurok kagudua kadagiti 2.3 milion nga umili ti Gaza ti nagtalaw ditoy ken agserserbi a maudi a kuta ti Hamas.
