LAOAG CITY – Inrakurak ti Hamas nga isardengda pay laeng ti pannakawaya-waya kadagiti Israel.
Daytoy ket kalpasan nga inakusaran ti militante a grupo ti Israel a naglabsing iti linaon ti ceasefire deal.
Naammoan a dagiti sumagmamano nga akusasionda ket ti pannakaitantan ti panagsubli dagiti nagibakwit idi iti northern Gaza ken ti agtultuloy a panangraot ti Israel iti Strip.
Naglikudan met daytoy ti Israel ken imbes ket binabalawda ti Hamas.
Mainaig iti daytoy, inbatad ni Israeli Defense Minister Israel Katz a pinagsaganana dagiti suldadoda para iti posible a maminsan manen a riribok.
Maipalagip nga idi Enero ti nagtulag ti Hamas ken Israel iti pannakawaya-waya dagiti hostage ken dagiti Palestinian inmates no sadinno nga adda ti uppat a paset ti ceasefire.
Iti maudi a paset ti ceasefire ket ti naan-anay a panagtalaw dagiti suldado ti Israel nga adda iti Gaza.
