LAOAG CITY – Inrakurak ti Hamas nga inabisoanda dagiti mediators a nakasaganadan a sumrek iti “full agreement” iti Israel.
Inbatad ti grupo a nalawag ti takderda a no agsardengen ti occupation ken agsardeng ti pannakairamraman dagiti tattao iti Gaza ket saanda nga agpangadua a sumrek iti full agreement.
Karaman iti nasao a katulagan ket ti komprehensibo nga exchange deal.
Immunan nga inpakaammo ti Gaza a nakasaganadan a lippasen ti gubat iti nagbaetanda iti Israel no isardeng metten ti Israel ti panangraut daytoy iti Gaza strip.
Maipalagip a bimmallaet ti Qatar ken Egypt iti peace agreement iti Hamas ken Israel no sadino sumagmamano a daras ti naisayangkat a panagtataripnong ti agsumbangir a grupo.
