LAOAG CITY – Inbatad ti maysa a senior official ti Hamas a posible a saan da nga umanamong iti peace plan ni US President Donald Trump para iti Gaza.
Daytoy ket gapo ta ti laeng interest ti Israel ti arig na napateg iti katulagan ken inlanglangi na dagiti Palestinian.
Segun iti daytoy, saan nga umanamong ti Hamas iti pannakadis-armar da ken pannakaipaima dagiti armas – maysa kadagiti kondisyon ni Trump iti plano na.
Posible pay a saan nga awaten ti Hamas ti deployment ti International Stabilisation Force (ISF) iti Gaza.
Ummunan nga inawat ni Israeli Prime Minister Benjamin Netanyahu ti plano ni Trump kabayatan nga aadda idiay White House.
Iti agdama ket awan met pay ti opisyal a rakurak ti Hamas mainaig iti daytoy a banag no sadinno inbatad ti Qatar’s foreign ministry nga ad-adalen pay laenh ti Hamas daytoy.
