LAOAG CITY – Awan ti indikasyon na a pimmanawen iti Pilipinas ni dati a presidential spokesperson Harry Roque iti baet ti pammilin ti kamara de representantes a matiliw daytoy.
Daytoy ti inbatad ni Philippine National Police (PNP) spokesperson Police Colonel Jean Fajardo iti press briefing.
Kuna na a nagturungen ti Philippine National Police tracker teams iti registered offices ken dagiti address ti abogado na ngem saan da a nadanun kadagitoy a lokasyon.
Gapu iti daytoy, inbatad ni Fajardo a banbantayan dagiti pulis ti possible nga “ingress points” a mabalin nga usaren ni Roque no gandaten na a libasan dagiti otoridad.
Ginutigot met ni Fajardo ni Roque a nagserbi a pannakangiwat iti babaen ti Duterte administration, a respetaren ti proseso gapu ta “no one is above the law.”
Maipalagip a na-cite in contempt ni Roque ken naibilin nga ibalud ti uppat nga House of Representatives committees wenno “QuadComms” idi Setyembre 13 kalpasan a nagkedked a mangisumitir kadagiti dokumento a mangipaay ti paglawlawagan dagiti kinabaknang na.
Idi laeng Lunes, inakusaran ni Roque ti kamara de representantes ti “power tripping” kalpasan ti contempt ken arrest orders a naiparuk-at kontra kenkuana gapu iti maipagarop a koneksyon na iti illegal operations ti Philippine offshore gaming operators (POGO).
