LAOAG CITY – Inlawlawag ti maysa nga Health Practitioner a ni Dr. Alan Taylan, Internal Medicine ti St. Camillus De Lellis Hospital maipanggep iti Ebola.
Segun kenkuana, daytoy a mikrobio ket maysa met laeng a virus a mabalin a maiwaras kadagiti ayup ken tattao.
Inbatadna a daytoy a klase ti virus ket nabayagen nga agraraira sipud pay idi 1976 iti paset ti Africa.
Kunana a maiyakar ti virus babaen ti close contact kas ti leng-et, katay, rugit, isbo ken dadduma pay.
Mainaig iti daytoy, inpakaammo ni Dr. Taylan a dagiti sintomas dagiti naapektaran iti nasao virus ket makarikna ti panagsakit ti bagi, aggurigor, awan ganas a mangan, agpaparaw ken dadduma pay.
Maipalagip nga indeklarar ti World Health Organization (WHO) ti Ebola outbreak iti Democratic Republic of Congo kas public health emergency ti international concern.
