LAOAG CITY – Inadmitir ni Heart Evangelista a ‘wake-up call’ ti panagsakitna.
Nagyaman dagiti fans ni Heart gapu ta kalpasan a nagdanag dagitoy idi naospital ti actress-influencer ket naipadamag kadakuada a nagimbagen daytoy.
Maipalagip a nakaruaren ti ospital ni Heart ken nakaawid iti pagtaenganda kalpasan ti sumagmamano nga aldaw a nagtalinaed iti ospital.
Gapu iti napasamak, inkari ni Heart a pokus pay laeng isuna iti salun-atna.
Ikarkarag met dagiti fans ti aktres nga agtultuloy ti pannakarekobrena manipud iti sinagabana a sakit.
