LAOAG CITY – Agkadua manen ti fashion icon a ni Heart Evangelista ken actor-director John Prats iti big screen para iti umuna a solo movie -da iti sumurok 20 a tawen.
Ti much-awaited reunion project ket opisial nga inanunsio iti maysa a media conference iti Cornerstone Studios.
Manamnama inton February 2027 ti pannakaipabuya ti nadakamat a movie no sadinno agbalin kas aktor ken direktor ni Prats.
Maipalagip a maysa kadagiti kaayatan a loveteams iti Philippine showbiz idi 2000s ni Evangelista ken Prats a nabigbig a “JoHeart” iti fans.
Nabigbig ken nalagip dagitoy para iti roles kas Missy and Yuan iti television series a G-mik a nagbalin a nalatak idi 2000s.
Iti kallabes, nakita ti dua nga aktor iti maysa nga episode iti reality series ni Evangelista a napauloan ti ‘Heart World’ ken na-feature iti maysa a music video ni TJ Monterde iti hit single a ‘Teka Lang’ idi Hunio.
