LAOAG CITY – Kalikagum ni Police Master Sergeant Eric Bumagat, mangidadaulo iti Philippine National Police-Traffic Division a maipangato ti multa dagiti aglabsing iti illegal parking ditoy ciudad ti Laoag.
Segun ken ni Konsehal Jason Perera, daytoy ti maysa kadagiti kalikagom ni Bumagat kalpasan nga ado dagiti saan a sumursurot iti nasao a paglintegan.
Kunana nga idi sangaribo a pisos ti inpataw da a multa ket manmano laeng dagiti aglablabsing iti paglintegan ngem idi naipababa ken napagbalin laeng a 150 a pisos ket arigna saanen a resrespetaren dagiti daddum a motorist ti nasao a paglintegan.
Mainaig iti daytoy, insigida nga inyendorsar ni Presiding Office Vice Mayor Rey Carlos Fariñas iti chairman ti Committee on Transportation ti kalikagom ni Bumagat para iti naan-anay a pannakatratar na.
Kabayatanna, kuna met ni Konsehal Jaybee Baquiran a mapaayaban to dagiti amin a maseknan iti daytoy a banag tapno makita ti pagsayaatan ti amin.
