LAOAG CITY – Inwaragawag ti Hezbollah a ti deputy secretary general ti grupo da ti baro a mangidaulo kadakuada.
Ni Naim Qassem ket kasukat ti nabayag a leader ti Hezbollag a ni Hassan Nasrallah a pimmusay iti Israeli air strike iti Beirut idiay Lebanon iti napalabas a bolan.
Maibilang ni Qassem a maysa kadagiti senior Hezbollah leaders a nagtalinaed a sibibiag kalpasan a kaadoan kadagiti lider ti grupo ket napapatay babaen iti airstrike ti Israel.
Ti pannakadutuk ni Qassem kas baro a mangidaulo iti Hezbollah ket napasamak kalpasan a kimmaro ti riribok idiay Lebanon kadagiti naglabas a lawas.
