LAOAG CITY – Naarestar ti maysa a negosyante ken ex-convict iti inyuswat nga anti-illegal drugs buy-bust operation ti PIU INPPO, RDEU-PRO1, PNP-Laoag City, PNP-Batac, PNP-Paoay ken PDEA iti Brgy 8, Acosta iti ciudad ti Batac.
Nabigbig ti suspek a ni Damacen Cunanan y Gabriel aka Ryan, agtawen ti 42, naasawaan, negosyante ken agnanaed iti Barangay Quiling Sur iti nasao met laeng a ciudad.
Segun kenni Police Major Artemio Clemente, chief of police ti PNP-Batac, naisayangkat ti transaksyon iti uneg ti pasdek negosyo na no sadinno a maipagarop nga inlako na ti maysa a medium sized ti sachet a naglaon ti maipagarop a shabu iti police poseur-buyer iti balor a dua ribo a pisos.
Kunana a nabayagen a mamonmonitor ni Cunana ken ti area ti operasyon na ket ti ciudad ti Batac ken ciudad ti Laoag.
Inbatad na a ni Cunana ket maysa nga ex-convict ti New Bilibid Prisons gapo iti panaglabsing na iti RA 9165, repeat offender iti panaglabsing ti RA 9165, long time listed drug personality ti INPPO ken High Value Individual iti Reginal Watachlist nga addaan ti coplan code name a Wendy’s.
Nakumpiskar pay iti ikot ni Cunana ti 14 a pidaso ti small transparent heat-sealed plastic sachets a naglaon ti maipagarop a shabu, dua a pidaso a sangaribo a pisos a nausar iti transaksyon, maysa nga improvised plastic shovel ken dadduma pay a personal a kagamitan na.
Mapatta-patta nga agdagsen ti 4.21 grams ti iligal a droga ken agbalor ti 42,100 a pisos.
Kabayatanna, kuna ni Clemente a konektado ti pannakatiliw ni Cunanan iti pannakaarestar met ni Hywel Albano idi Mayo 27 iti met laeng nasao a ciudad.
