LAOAG CITY – Ibilang ti Highway Patrol Group-Ilocos Norte a manageable paylaeng ti sitwasyon ti panag-carnap ditoy probinsya.
Daytoy ti inbatad ni Police. Lt. Jojo Baldovieso, ti Chief Operation ti Highway Patrol Group ditoy Ilocos Norte.
Kuna na nga awan pay ti nairekord da a panagkarnap ditoy probinsya ita a tawen.
Inpakaammo na a kadagiti naglabas a tawen ket adda dagiti naireport kadakuada a nacarnap a motorsiklo ken kurung-kurong, ngem amin dagiti adda iti likudan dagitoy nga insidente ket napilaan dan ti kaso.
Innayon na nga awan ti namonitor da a dadakkel a grupo nga agisaysayangkat ti panagkarnap ditoy probinsya gapu ta dagiti suspek a napilaan da ti kaso ket am-ammo metlaeng dagiti biktima ken agkasapulan da unay ti kwarta.
