LAOAG CITY – Inarestar dagiti otoridad idiay Sri Lanka ti sumagmamano nga indibidwal gapu iti illegal a panagilemmeng ken panag-hoard ti gasolina ken diesel gapu iti panagamak da iti panagkurang ti suplay nga epekto ti tension iti Middle East.
Karaman kadagiti insidente ti pannakaarestar ti agtawen ti 46 a negosyante nga addaan ti 6,600 a litro ti diesel ken 120 a litro ti gasolina.
Iti Hambantota City, maysa a lalaki ti naarestar kalpasan a nakumpiskar ti agarop 500 a litro ti gasolina ken diesel iti pagtaengan na.
Iti met Negombo, Puthukkudiyiruppu, ken Hingurakgoda, tallo a nagsisina a raid ti naiyuswat a nagresulta ti pannakakumpiskar ti na raid ang ikinasa na nagresulta sa pagkakumpiska ng mahigit 1,000 litro ti diesel iti maysa a bangka ken dagiti dadduma pay a deposito idi Marso 26.
Inaulwan ti Walana Anti-Vice Squad dagiti operasyon ken dadduma pay nga units ti pulisya.
Nagballaag dagiti otoridad iti Sri Lanka kontra iti panic buying ken illegal a panagilemmeng ti petrolyo, kalpasan ti panangpaiget ti panaglako kadagitoy babaen ti panagikabil kadagiti botelya ken lata.
