LAOAG CITY – Aminado ni Task Force on Media Security (PTFOMS) Undersecretary Jose Torres Jr., nga awan ti maaramidan da kadagiti ‘hot spot’ areas concern ti pagilian no saan a ti mangipaay kadagiti nayun a security escort para kadagiti media workers ita nga election season.
Kuna ni Torres a mabalin nga agkiddaw ti security escort dagiti kameng ti media para kadagiti ‘hot spot’ area of concern ditoy pagilian.
Maipalagip nga inreport iti kallabes ti Commission on Elections (Comelec) nga adda ti 1,619 nga inisyal nga areas of concern para iti midterm election.
Gapu iti daytoy, nagpanawagan ti task force chief nga iprayoridad dagiti media personnel ti seguridad da ken a turungen dagiti lugar a pakairisgoan ti biagda.
Innayon ni Torres a masapol a makikoordinar dagiti media workers kadagiti otoridad no agturong kadagiti ‘hot spot’ areas ken kanayun nga ikonsiderar ti kinatalged iti tunggal maysa.
